“Эспаньол” футболчисининг уйида ўғрилик содир этилди. Жиноятчилар футболчининг онасини гаровга олишган

Хабар қилинишича, ўғрилик вақтида уйда фақатгина Балденинг онаси бўлган. Уч нафар номаълум эркак турар-жойга бостириб кириб, аёлни гаровга олиб, хонага қамаб қўйган. Жиноятчилар деярли барча қимматбаҳо нарсаларни йиғиб, ғойиб бўлишди. 

Футболчининг онаси қулфланган хонадан чиқиб кетишга муваффақ бўлган ва ҳуқуқ-тартибот идораларига мурожаат қилган. Ҳозирда мазкур ҳолат юзасидан тергов ҳаракатлари олиб борилмоқда.