Эртага Роберто Карлос Тошкентга ташриф буюради
27 янв 2019 18:30
Новости

Эртага Роберто Карлос Тошкентга ташриф буюради

Эртага, 28 январь "Реал" ҳамда Бразилия терма жамоаси собиқ ҳимоячиси Роберто Карлос Тошкентга келади.

Бразилия терма жамоаси сафида жаҳон чемпиони бўлган Карлос Тошкент вақти билан 09:30да Ислом Каримов номидаги "Тошкент Халқаро аэропорти"га етиб келади. Роберто Карлос шу куни турли тадбирларда иштирок этади.

Жумладан, соат 12:00да ёш футболчилар учун ЎФА майдонида мастер-класс ташкил этилади. Кейин шу ернинг ўзида фахрий футболчилар иштирокида ўртоқлик ўйини бўлиб ўтади. Учрашув 10 дақиқадан 2та тайм давом этади. Роберто Карлос ҳар иккала жамоа таркибида битта таймдан майдонда тўп суради.
Соат 15:00да Роберто Карлос А.П.Хлебушкина номидаги Меҳрибонлик уйига ташриф буюриб, у ердаги тарбияланувчилар билан учрашади ва уларга совғалар тақдим қилади. Соат 16:00да эса Миллий олимпия қўмитасида Роберто Карлос билан матбуот анжумани ташкил этилади.
ЎФА юртимиздаги барча ОАВни ушбу тадбирларга таклиф қилди.

Ссылка :

Источник : ufa.uz

Получайте новости прямо в Telegram!

Рейтинг: +19