Элдор Шомуродов "Аталанта"га иккита гол урганидан кейин нималар деди?

Ушбу ўйинда ўзбекистонлик ҳужумчи захирадан майдонга тушиб дублга эришди.

- Бугун захирадан майдонга тушиб дарҳол гол урдингиз, ўйинга жуда яхши қўшилиб кетдингиз...
- Ҳа, майдонга тушишдан олдин мураббий менга айтган кўрсатмаларни бажаришга уриндим холос.

- А Сериядаги дебют мавсумда ҳозирча 7та гол урдингиз. Буни кутганмидингиз?
- Кутмагандим, аммо ўзимни яхши томонлама кўрсатишга ҳаракат қилдим.

- Горан Пандев билан бирга ўйнаш ҳақида нима дейсиз?
- Бу ажойиб. Ундан кўп нарса ўрганиш мумкин ва ҳозиргача кўп нарса ўргандим.

- Бу мавсумдаги энг ёдда қолган голингиз қайси?
- "Специя" билан баҳсдаги гол, сабаби ўша ўйинда ғалаба қозонгандик.