"Бунёдкор" мураббийлар штабида италиялик мураббийлар иш бошлади

"Жисмоний тайёргарлик бўйича мураббий Алессандро Спиноглио мухлисларимизга яхши таниш. Мутахассис ўтган мавсумнинг иккинчи қисмидан бошлаб "Бунёдкор"да фаолият юритиб келади. Мураббийнинг ярим йиллик фаолияти раҳбарият ва бош мураббийга маъқул келди ва шу боис у билан тузилган шартнома ўзаро келишувга кўра узайтирилди.

Шунингдек, Карло Альберто Бертоне ва Андрес Карло Моауро ҳам фаолиятини жамоамиз билан боғлади. Карло Альберто таҳлилчи вазифасини бажарса, Андрес Моауро футболчиларнинг жисмоний тайёргарлигига жавоб беради. Спиноглиодан фарқли равишда Моауро футболчилар билан якка тартибда шуғулланади", – дейилади "қалдирғочлар" хабарида.

Алессандро Спиноглио

Туғилган санаси: 27.06.1980

Фуқаролиги: Италия

Лавозими: жисмоний тайёргарлик бўйича мураббий

Карло Альберто Бертоне

Туғилган санаси: 26.01.1994

Фуқаролиги: Италия

Лавозими: таҳлилчи

Андрес Карло Моауро

Туғилган санаси: 19.08.1993

Фуқаролиги: Италия

Лавозими: жисмоний тайёргарлик бўйича мураббий