Бир ойлик фаолиятидан сўнг, Пол Скоулз ўз хоҳишига кўра жамоани тарк этди
14 мар 2019 23:26
Новости

Бир ойлик фаолиятидан сўнг, Пол Скоулз ўз хоҳишига кўра жамоани тарк этди

Февраль ойининг 11 санасида Англиянинг иккинчи лигаси вакили “Олдхэм Атлетик” клубига бош мураббий этиб тайинланган Пол Скоулз бугун ўз хоҳишига кўра истеъфога чиқди.

Маълумотларга кўра, клуб раҳбарияти Скоулз талаб қилган шароитни яратиб бермагани учун, 44 ёшли мутахассис жамоадан кетишга қарор қилган.

“Олдхэм Атлетик” англиялик мураббий қўл остида 7та ўйин ўтказиб, уларнинг бор йўғи биттасида ғалаба қозонди. Қолган баҳсларда эса 3тадан мағлубият ва дуранг натижалари қайд этилган. Клуб эса ҳозирда мусобақа жадвалининг 14 поғонасида турибди.

Англия терма жамоасининг собиқ яримҳимоячиси Пол Скоулз 2013 йилда футболчилик фаолиятини якунлаганди.

Ссылка :

Источник : Press Association

Получайте новости прямо в Telegram!

Рейтинг: +5