Бензема: "Олтин тўп"ни қаршимда кўрганимдан фахрланаман"

"Болалигимдан босиб ўтган йўлларимни яхши эслайман. Кўз ўнгимда иккита мисол бор эди: Зизу ва Роналдо. Қаршимда мана шу "Олтин тўп"ни кўрганимдан фахрланаман. Роналдо менинг кумирим эканлигини билади. Мен учун унга ўхшаган бошқа ҳужумчи йўқ. Унинг майдонда қилган ишини такрорлаб бўлмайди. У тарихда ягона, у билан бир жамоада ўйнаб, бир оғиз сўз айтмай, захира ўриндиғида ўтиришга тайёр эдим.

"Реал" ва терма жамоадаги ўртоқларимга раҳмат айтаман. "Реал"нинг буюк президенти Флорентино Пересга ташаккур, у оиламиз аъзосидек бўлиб қолган. Қачондир у шартнома имзолаш учун уйимга келган. "Лион" академиясини ҳам унутмайман. 

Оиламга раҳмат айтаман, чунки аҳил ва ҳамиша биргамиз. Бу халқнинг "Олтин тўп"и. Менимча, ёш деган нарса аслида йўқ. Ўттиз йилдан кейин кўпчилик ўз даражасини оширади. Бу – олдига мақсад қўйиш, меҳнат. Мен жуда кўп машқ қиламан, ўзимга ўзим таслим бўлмасликни айтаман", – деди Бензема.

⚡️ Бензема “Олтин тўп”ни қўлга киритган 5-француз ва саккизинчи “Реал” футболчиси

Франция президенти: “КБ9 – бу икки ҳарф ва рақам футбол тарихида қолади”

Бензема – “Олтин тўп”ни қўлга киритган 66 йил ичидаги ёши энг катта футболчи. Рекорд эса ...