"Барселона" президенти Алвесни ортга қайтаришни хоҳламаяпти
26 июл 2019 17:34
Новости

"Барселона" президенти Алвесни ортга қайтаришни хоҳламаяпти

"Барселона" президенти Хосеп Бартомеу Дани Алвесни жамоага қайтариш вариантидан воз кечди.

Манбанинг маълумотларига кўра, бразилиялик футболчи бошқарувчи билан телефонда бўлган суҳбатда унга ўз хизматларини таклиф қилган, аммо "кўк-анорранглилар" 36 ёшли ҳимоячига қизиқишмаяпти.

Қайд этиш керак, каталонияликлар мавсумлар оралиғида жамоадан кетиши кутилмаётган Нельсон Семедуга кўпроқ ишонч билдиришмоқчи.

Эслатиб ўтамиз, Алвес 2008-2016 йилларда "Барселона" шарафини ҳимоя қилган.

Олдинроқ унинг "Манчестер Сити" билан шартнома имзолаши мумкинлиги ҳақида хабар берилган эди.