"Атлетико" президенти: "Гризманнинг "Барса"да ишлари жойида эмас, аммо ҳаммада кўтарилиш ва пасайиш бўлади"

"Биз дўстона муносабатда эдик. У жуда ҳам яхши йигит ва ажойиб футболчи эди.

Ҳаммада ҳам кўтарилиш ва пасайиш бўлади. "Барселона"да унинг ишлари жойида эмас, аммо у қайтади ва муваффақиятга эришади, чунки у ажойиб ўйинчи", - дейди Сересо.

Гризманн "Барселона" таркибида сўнгги тўлиқ ўйинини 16 июнда "Леганес" (2:0)га қарши ўтказган эди. Шундан сўнг эса "Севилья" (0:0)га қарши ўйинда 14 дақиқа, "Атлетик" (1:0)га қарши ўйинда 65 дақиқа ва "Сельта" (2:2)га қарши баҳсда 10 дақиқа ҳаракат қилди. Кеча бўлиб ўтган "Атлетико"га қарши ўйинда эса 90-дақиқада майдонга тушди.

Ўтган ёзда "Барселона"га 120 миллион евро эвазига ўтган футболчи жорий мавсум Ла Лига доирасидаги 32та ўйинда майдонга тушиб, 8та гол ва 5та ассист қайд этди.