RU

Последние новости

14:35"Пахтакор" "Машъал" дарвозасига жавобсиз 5 та гол урган ўйиндан ГАЛЕРЕЯ  0 14:15"Водий дербиси"да четлаштириш ва кўплаб пенальтилар. Суперлига 3-тур ўйинларидаги ҳакамлик таҳлили  0 14:03"Ньюкасл" Исакнинг ўрнига А Сериядан ҳужумчи топиб қўйди  1 13:35"Манчестер Юнайтед" Де Хеани қайтармоқчи  4 13:10Перес "Реал" мураббийлигига Хаби Алонсо эмас, бошқа бир испаниялик собиқ футболчини олиб келмоқчи  8 12:36Саудия Арабистони клубларининг навбатдаги нишони — "Челси" ярим ҳимоячиси  0 12:11Футзал. Бугун Хитой – Ўзбекистон учрашуви бўлиб ўтади  0 11:26Иброҳим Ибрагимов: "Янги мураббий билан адаптация жараёни кетмоқда, унга вақт керак"  1 11:09Маҳмуд Маҳамаджонов: "Мавсум аввалида ўз ўйинимизни топиб олишга қийналдик"  0 10:53БАА терма жамоаси бош мураббийлигига яна бир номзод пайдо бўлди  6 10:26ПФЛ янги мавсумда Суперлиганинг ой футболчисини қандай аниқлашини маълум қилди  7 09:55Кечаги учрашувда Ҳусанов нега қайдномадан ҳам жой олмагани очиқланди  23 09:29Карлуш Кейруш яна Осиё терма жамоасини бошқариши мумкин  14 08:58«Манчестер Сити» ёзда 100 миллион евролик ҳимоячи сотиб олмоқчи  8 08:31Суперлига. 5-тур учрашувлари бошланиш вақтлари  1

"Арда Туран билан суҳбат, Райан Бабел, "Бунёдкор" ва қайси рақамни танлагани" — Жаҳонгир Ўрозовнинг "Эюпспор"га ўтганидан кейинги илк интервьюси Новости

"Арда Туран билан суҳбат, Райан Бабел, "Бунёдкор" ва қайси рақамни танлагани" — Жаҳонгир Ўрозовнинг "Эюпспор"га ўтганидан кейинги илк интервьюси

Хорижда легионерларимизнинг сони ошаётгани ва уларнинг яхши савиядаги жамоаларга бориб қўшилаётгани қувонарли ҳолат.

"Бунёдкор"нинг 20 ёшли ҳимоячиси Жаҳонгир Ўрозов Туркия Биринчи лигаси вакили, Арда Туран мураббийлик қилаётган "Эюпспор" клуби билан шартнома имзолади. Футболчи сайтимизга янги жамоасига ўтганидан кейин илк бор интервью берди. 

-  "Бунёдкор" билан хайрлашиш қандай бўлди? Жамоани қандай таассуротлар билан тарк этдингиз? 

- "Бунёдкор" — аҳил жамоа. Бу клубда ўтказган ҳар бир куним ёдда қоларли бўлди. Меҳнат қилаётган барчага раҳмат айтаман. Жамоага ҳар бир учрашувда омад тилайман. "Бунёдкор" ҳар доим қалбимда қолади. Жамоани унутмайман. 

- Ёзда сизга хориждан таклифлар кўпайди. Бунда Осиё чемпионати ва Жаҳон чемпионатининг ҳам эффекти бўлдими?

- Тўғри, ёзда кўплаб жамоалардан таклифлар бўлди. Лекин менга Туркия клубидан тушган чорлов маъқул келди. Сабаби жамоа олдига юқори лигага чиқиш вазифаси қўйилган. Жамоада кўплаб жаҳон юлдузлари тўп тепади. Жамоани эртаси борлиги "Эюпспор"ни танлашимга туртки бўлди. Осиё ва Жаҳон чемпионати бу борада хориж чемпионатига чипта вазифасини ўтади. 

- Туркия Европа сари ташланган илк қадамми? Умуман "Эюпспор" ҳақидаги илк фикрларингизни айтиб берсангиз. 

- Албатта. Мақсадим — Европада тўп тепиш. Клубда барча шароитлар яратилган, бу мени қониқтирди. Ҳаммаси профессионал тарзда ташкил этилган. Арда Туран тезда жамоага мослашиб, ҳимояда ёрдам беришимни айтмоқда. 

- "Атлетико" ва "Барселона" собиқ футболчиси билан илк суҳбатда нималар муҳокама қилинди? 

- Суҳбатимиз узоқ кечмади. Профессионал мураббий эканлиги сезилиб турибди. Жамоага қўшилганимдан хурсандлигини яширмади. 

- Қайси рақамни танладингиз? 

- 44-рақамни танладим. 

- Бунда қандайдир рамзий маъно яширинганми? 

- Рақам танлаб ўйнайдиган футболчи эмасман. Бунинг ҳеч қандай маъноси йўқ. 

- Жамоада таниқли нидерландиялик футболчи Райан Бабел ўйнайди. У жамоада қайси сифатлари билан ажралиб туради? 

- Бабел ўз ишининг устаси. Инсон сифатида ёшларга ўрнак бўлиши мумкин. Хулқ-атвори яхши эканлигини пайқаш қийин эмас. 

- Қайси ҳимоячиларга ҳавас қиласиз? 

- Ўзбекистонда Анзур Исмоиловнинг ўйинлари маъқул келади. Европада — Жоржио Кьеллини. 

- "Бунёдкор"нинг муваффақият қозонишига нима етишмаяпти? Клуб ўртамиёналар сафига қўшилиб қолгани нима сабабдан деб ўйлайсиз? 

- Ҳар бир клубда ўсиш ва пасайиш бўлади. Бу футболнинг ёзилмаган қонуни. 


Абдулазиз Искандаров суҳбатлашди

Рейтинг: +8   

Комментарии

championat.asia
< посмотреть последние новости
Яндекс.Метрика