Анхель Лопес: "Ўзбекистонда тоза ва ҳалол футбол бўлишини истайман. Ҳакамларни муҳокама қилмайман"
06 мая 2022 22:14
Новости

Анхель Лопес: "Ўзбекистонда тоза ва ҳалол футбол бўлишини истайман. Ҳакамларни муҳокама қилмайман"

Теги : "Қўқон-1912"Анхель Лопес "Сурхон"

Суперлиганинг 7-туридан ўрин олган "Сурхон" - "Қўқон-1912" (1:0) учрашувидан сўнг мезбонлар бош мураббийи Анхель Лопес фикрларини билдириб ўтди.

"Биринчи бўлимда ўйинни яхши назорат қилдик. Бир қанча кескин вазиятлар яратдик. Олдинга қараб интилдик. Ўйинда кўп тўхталишлар бўлди. Биз янада тезроқ ўйнашимиз мумкин эди. Мазкур ғалаба олдиндаги режаларимиз учун яхшигина руҳият беради", - дейди Лопес.

- Жавоҳир Соҳибовнинг яна захирага олиниши нима билан боғлиқ?

- Очиғи унда жароҳат бор эди. Бу ҳақида гапиришни ўзи қўрқинчили.

- Бугунги ўйиндаги ҳакамлик борасида фикрларингиз қандай?

- Ҳакамларни муҳокама қилиш мен учун қийин. Уларга баҳо бермайман. Менинг мақсадим жамоамни шуғуллантириш, ғалаба қозониш. Ўзбекистонда тоза ва ҳалол футбол бўлишини истайман. Қолган ишларни муҳокама қилиш менинг ваколатимга кирмайди.

- "Локомотив" билан ўйинга қараганда тактика қанчалик ўзгарди?

- Ўйиндан кейин нимадирни ўзгартириш керак эди. Шундай бўлди. Қолаверса рақибни ҳам яхши ўргандик. Қолган ўйинларда ҳам бугунгидек натижа кўрсатишга ҳаракат қиламиз.

Ссылка :

Источник : championat.asia

Получайте новости прямо в Telegram!

Рейтинг: +8