Анвар Ғофуров: "Бугунги ўйин яхши дарс бўлди"
29 мар 22:19
Новости

Анвар Ғофуров: "Бугунги ўйин яхши дарс бўлди"

Суперлиганинг 4-туридан ўрин олган ОКМК - "Бунёдкор" (1:0) учрашувидан сўнг меҳмонлар мураббийи Анвар Ғофуров матбуот анжуманида иштирок этди.

Ўйин ҳақида

- Биздаги режалар бошқача эди. Ўйин бошида қовушмади, вазиятлар ўхшамади. Бизда кўпроқ ёш футболчилар ўйнамоқда. Бугунги ўйин яхши дарс бўлди деб ўйлайман. Тўғри хулоса чиқариб, кейинги учрашувларда яхши ҳаракат қиламиз. Биз шу йўналишни танлаганмиз. Мақсадимиз кейинги ўйинларда ғалабаларга эришиб, юқори ўринлар учун курашиш.

- Ўйинга танлаган режангизни очиқлай оласизми?

- Тўп назорати, вазиятлардан унумли фойдаланиш.

- Жамоа кетма-кет иккита турдан буён яхши ўйин кўрсатмоқда. Бугун ҳам кучли рақибга қарши 10 киши бўлиб ҳам жиддий қаршилик кўрсатди. Олдиндаги мақсадлар ҳақида айтиб ўтсангиз.

- Ҳар бир футболчига ўсиши учун ёрдам бериш. Ёш футболчиларни юқори даражага олиб чиқиш. "Бунёдкор" шу режа асосида юқори ўринлар учун ҳаракат қилади.

- Захирадан тушиб захирага олинган Фарҳод Ўткировнинг ҳолати қандай?

- Албатта, бундай ҳолат футболчига ёқмайди. Ўзи учун ҳам дарс бўлди, келгуси ўйинларга бошқача тайёргарлик кўради. Аслида у юқори савиядаги футболчи. Биз ҳозир футболчиларни юқорироқ даражага кўтаришимиз керак. Бундан жамоа фақат ютади.

Ссылка :

Источник : championat.asia

Получайте новости прямо в Telegram!

Рейтинг: +1