“Андижон”, “Сурхон”, “Машъал” ҳамда “Қўқон-1912” уй ўйинларини нейтрал стадионда ўтказади

Олинган маълумотларга кўра, “Андижон”, “Сурхон”, “Машъал” ҳамда “Қўқон-1912” жамоалари уй стадионларидаги ёриткич билан боғлиқ муаммо сабаб, Суперлиганинг 11-туридан ўрин олган уй ўйинларини нейтрал майдонда ўказади.

Жорий йилнинг 14 май куни Ўзбекистон Футбол Ассоциациясининг мажлислар залида ўтказилган йиғилишда, ЎФА раҳбариятининг топшриғига асосан юқорида номлари келтириб ўтилган жамоаларнинг уй стадионларида ёритиш тизими 2021 йилнинг 15 июн кунига қадар талаб даражасига келтирилмаса, мазкур футбол клубларининг уй учрашувлари нейтрал стадионда ўтказилиши қатъий белгиланган эди.

Айни вақтда мазкур футбол клубларининг стадионлари ёритиш тизими талаб даражасига келтирилиб улгурилмагани, 2021 йилнинг 15 июнь кунига қадар ҳам ёритиш тизимини яхшилаш имконсиз эканлиги маълум бўлмоқда.

Шу сабабли ЎзПФЛ Суперлиганинг 11-туридан ўрин олган “Машъал” – “Турон”, “Сурхон” – “Пахтакор”, “Андижон” – АГМК, “Қўқон-1912” – “Насаф” учрашувларини ҳамда 12-тур доирасидаги “Сурхон” – “Бунёдкор” ўйини бошқа нейтрал майдонда ўтказиши бўйича клубларга расмий алоқа хати юборган.

Шу муносабат билан мазкур учрашувлардаги мезбон футбол клублари томонидан қайд этилган учрашувларни айнан қайси стадионда ўтказилиши юзасидан жорий йилнинг 12 июнь кунига қадар таклиф берилиши сўралган.