Ана холос! "Реал" яна бир ҳимоячиси билан хайрлашишга тайёр
02 авг 2021 15:00
Новости

Ана холос! "Реал" яна бир ҳимоячиси билан хайрлашишга тайёр

Ферлан Менди "Реал Мадрид" ушбу ёзда муносиб таклиф тушса, хайрлашишга тайёр бўлган футболчилар қаторида тилга олинмоқда, деб хабар бермоқда "Marca".

Жамоага Давид Алабанинг келиши Мендининг ҳолатига ҳам таъсир қилиши мумкин. Карло Анчелоттининг қайтиши оқибатида ҳимоянинг чап қанотига Марсело қайтарилиши мумкин. Алаба эса ё чап қанот ҳимоясида асосий таркиб аъзоси, ёки марказий ҳимоянинг чапроғида ҳаракат қилиши мумкин.

Эслатиб ўтамиз, Менди "Реал Мадрид"га "Лион"дан 2019 йил 48 миллион евро эвазига кўчиб ўтган ва 2025 йил ёзига қадар шартномаси мавжуд.

Бироқ ҳозирги вазиятда 50 миллион евро атрофидаги сумма беришга тайёр нечта клуб топилиши мумкин, деган савол юзага келади. Албатта, агар "лос-бланкос" футболчининг улгуржи нархда сотишга рози бўлмаса.

26 ёшли футболчи ўтган мавсум охирида олган жароҳатидан яқинда тузалди ва машғулотларни бошлаб юборди.