Алишер Абдувоҳидов: “Нефтчи”ни Суперлигага қайтариш учун астойдил ҳаракат қиламиз”

Бугуги учрашувда биринчи навбатда бизни қўллаб-қувватлаб турганликлари учун жамоамиз мухлисларига миннатдорчилик билдираман. Ўзбекистон кубоги учрашувлари ҳар доим қизиқарли тарзда кечади. Бугунги ўйинга жиддий тайёргарлик кўрган эдик, мухлисларимиз қаршисида йирик ҳисобда ғалаба қозонганимиздан хурсандмиз. Кейинги босқичда қайси жамоа билан тушимиздан қатъий назар, ғалаба қозониш учун ҳаракат қиламиз.

“Нефтчи”га Фарғона вилояти “Ҳоким кубоги” мусобақасидан олдин Баҳром Ҳайдаров таклифига кўра келгандим. Жамоа таркибида кўрикдан ўтиб, шартнома тузишга муваффақ бўлдим.

Фарғоналик мухлисларни биламиз, уларни севимли жамоаларни қўллаб-қувватлаш бўйича юртимизда етакчи ўринларда туришади. Барча “Нефтчи”мухлисларини учрашувларга ташриф буюриб, қўллаб-қувватлаб туришларини сўрайман. Насиб қилса астойдил ҳаракат қилиб “Нефтчи”ни Суперлигага қайтаришга ҳаракат қиламиз.

Бекзод Толибов ёзиб олди.