Александр Ежов: "Шогирдларим қизил карточка олган Ғайрат Ўдаев учун ҳам ўйнашди"

"Жуда оғир ўйин бўлди. "Динамо" яхши жамоа эканини билардик. Яхши тайёрлангандик. Афсуски футболда бугунгидек қизил карточка олинганидек кутилмаган ҳолатлар бўлиб туради. Ўз футболчиларимни табриклайман, ўзлари ва четлатилган Ғайрат Ўдаев учун ўйнашди. Ғайрат Ўдаевни қўллаб-қувватлаймиз, у барибир тажрибали ўйинчимиз бўлиб қолаверади. Мухлисларимиз ҳам ўйин охиригача бизни ажойиб қўллаб туришди.

- Рўзимбой Аҳмедов голлар ураётганидан хурсандман. У ҳатто ҳозир Суперлигада ҳам ўйнашга лойиқ. Буни исботлаб келмоқда. Рўзимбой Аҳмедов ҳар бир ўйинда гол уришини истайман. Лекин ҳали оптимал формада эмас. Ўз голлари билан Хоразм аҳлини хурсанд қилмоқда.

- "Динамо" сафида ўйнаган собиқ футболчимиз Тимур Исмоилов ҳақида нима дея оламан? Яхши футболчи, келажаги бор. Уни қўйиб юбормоқчи эмасдик, аммо футболчининг ҳаёти шундай. Унга омад тилаймиз.

- Жароҳатини даволаётган Сарвар Жуманиязов тахминан 1,5 ойдан сўнг майдонга қайтса керак", - дейди Александр Ежов.