"Ал Насср" Кейлор Навас билан музокаралар олиб бормоқда
16 янв 2023 20:10
Новости

"Ал Насср" Кейлор Навас билан музокаралар олиб бормоқда

“Ал Насср” клуби Кейлор Навас билан шартнома имзоламоқчи.

Бир неча кун олдин Саудиянинг “Ал Насср” клуби дарвозабони Давид Оспина жиддий жароҳат олди - унинг тирсагида ёриқ борлиги аниқланганди. Шу муносабат билан “Ал Насср” зудлик билан унинг ўрнига дарвозабон қидирмоқда.

Marca хабарига кўра, "Ал Насср" Кейлор Навас билан музокаралар олиб бормоқда. 36 ёшли дарвозабоннинг трансфери ҳафта охиригача якунланиши мумкин.

Навас "Ал Насср" учун ягона вариант эмас, лекин унинг трансфери клуб учун устувор вазифа саналади. Клуб “Ал Ваҳда” дарвозабони Мунир Мохамедини ҳам таклиф этиш вариантини кўриб чиқмоқда. Бироқ ҳозирда “Ал Насср” бор эътиборини Навас билан шартнома имзолашга қаратган.

ПСЖ эса шартномаси 30 июнгача амал қиладиган дарвозабонни текинга қўйиб юбормоқчи эмас.

Роналдунинг трансфери ҳам Навасни сотиб олиш йўлида ўзгача қадам бўлиши мумкин. Кейлор араб клуби сафига қўшилса, мавсумнинг қолган қисми учун "Ал Насср"дан 4 миллион евро олади.

Жорий мавсум Навас ПСЖ сафида барча мусобақаларда атиги 1 та ўйин ўтказди.

Ссылка :

Источник : Marca

Получайте новости прямо в Telegram!

Рейтинг: +6