"Ал Ҳилол" "Барселона" футболчиси учун 100 млн евро тўлашга тайёр
24 мар 2024 01:06
Новости

"Ал Ҳилол" "Барселона" футболчиси учун 100 млн евро тўлашга тайёр

Рафинья Диасга "Ал Ҳилол" қизиқмоқда.

Ўтган ҳафтада "Барселона" вингери билан 80 млн евродан ошиқ маблағ эвазига Саудия клуби шартнома имзолашни хоҳлаётгани маълум бўлди. Гап чемпионат етакчиси ҳақида кетмоқда.

Ар Риёд клуби бразилиялик учун бонуслар билан 100 млн евро тўлашга тайёр. "Ал Ҳилол" шунингдек ўйинчига ҳозирги олаётганидан уч баравар кўп маош тайинламоқчи. У ҳозирда солиқлардан сўнг 5,5 млн евро олади.

"Барселона" таклиф молиявий муаммоларнинг бир қисмини ҳал этишга ёрдам бериши сабаб ўйлаб олмоқчи.

Футболчининг ўзи Каталония клубидан кетмоқчи эмас. Қизиқарлиси, Рафиньяга бутун фаолиятида агентлик қилган Деку ҳозирда "Барса"нинг спорт директори сифатида ишламоқда.