42 фоиз мухлис Канте "Олтин тўп"ни қўлга киритиши керак деб ҳисоблайди
04 июн 2021 19:08
Новости

42 фоиз мухлис Канте "Олтин тўп"ни қўлга киритиши керак деб ҳисоблайди

The Spectator Index ўз Twitter аккаунтида 2021 йилда "Олтин тўп"ни ким қўлга киритиши кераклиги тўғрисида сўровнома ўтказди.

Рўйхатга тўрт нафар номзод киритилган ва овоз беришда ҳозирча 164000 киши қатнашган. Энг кўп овоз "Челси" ярим ҳимоячиси Нголо Канте (42,5%)га тегишли. Иккинчи ўринда "Барселона" сардори Лионель Месси (27,2%), учинчи поғонани "Бавария" тўпурари Роберт Левандовски (25,1%) эгаллаган бўлса, сўнгги ўринни ПСЖ форварди Килиан Мбаппе (5,1%) қайд этиб турибди.

Канте "Челси" билан Чемпионлар Лигасида ғолиб чиқди ва мусобақанинг финал ҳамда ҳар иккала ярим финал учрашувида энг яхши ўйинчи деб топилди. Футболчининг ўзи эса "Олтин тўп" унинг учун муҳим аҳамиятга эга эмаслигини таъкидлаб ўтганди.

Ссылка :

Получайте новости прямо в Telegram!

Рейтинг: +15