Zohir Qo'ziboev: "Qora ananaga chek qo'ymoqchimiz"

Ushbu so'rovnoma natijasiga ko'ra oyning eng yaxshi futbolchilar qatorida ikkinchi o'rinda qayd etilgan Zohir Qo'ziboev o'z fikrlarini bildirib o'tdi.

"Albatta butun O'zbekiston bo'yicha oyning eng yaxshi futbolchilar qatoridan joy olish juda ham yoqimli. Ochig'ini aytsam juda-juda xursand bo'ldim. Bu menga qo'shimcha kuch bag'ishlashiga ishonaman. Men uchun bundan ham muhimi jamoamiz qayd etayotgan natijalardir. SHaxsiy sovrinlar jamoa yutug'iga qarab kelaveradi" , - deydi Zohir Qo'ziboev

- Birinchi davradan so'ng Oliy liga to'pururlari ro'yhatida ham kuchli uchlikdasiz. Bu siz uchun kutilmagan holatmi?

Bilmadim. Men unday deb o'ylamayman. Jamoamizni mehnatini gollar bilan ko'rsatamiz. Maqsadim esa Oliy ligada ham to'purur bo'lish. Ko'proq gol ursam g'alaba qozonamiz va "Mashal" yuqori pog'onalarga ko'tariladi. Birinchi vazifam shundan iborat.

- Bugun jamoa oldida qiyin uchrashuv bor. "Mashal" ushbu kungacha hali "Bunyodkor" darvozasini ishg'ol eta olmagan. Siz hujumchi sifatida buni qanday baholaysiz?

"Bunyodkor" bizni jamoadan shu kungacha kuchli bo'lganligi uchun bizni jamoa gol ura olmagan deb baholayman. Bugun jamoamiz tarixidagi ushbu qora ananaga chek qo'ymoqchimiz. Qiyin uchrashuv bo'ladi va oldimizda juda katta to'siq bor. Biz maydonni g'alaba bilan tark etmoqchimiz.