Zafar To'raev: "G'alabaga osonlik bilan erishmadik"

Uchrashuv yakuniga etgach futbolchining fikrlari bilan qiziqdik: - O'yin qiyin tarzda o'tdi. O'z maydonimizdagi uchrashuvlarda ancha vaqtdan beri g'alaba qozona olmay kelayotgandik. SHu sababli, bugun maydonga yutuqni ko'zlab tushgandik. "Navbahor" jamoasini mag'lub etgan bo'lsakda, bunga osonlik bilan erishganimiz yo'q. Garchi hisobni ochgan bo'lishimizga qaramay raqibni hisobni tenglashtirishiga imkon berdik. Yakunda qiyinchilik bilan bo'lsada maqsadimizga etishdik. Muxlislarimizga ham qo'llab-quvvatlashgani uchun rahmat aytaman. "Navbahor" ham dastlabki turlarda atigi bir ochko to'plaganligi sababli, maydonda ijobiy natija uchun bor kuchlari bilan harakat qilishdi. Lekin, g'alaba qozonishni uddasidan chiqdik. Keyingi uchrashuvlarda "Navbahor" jamoasiga omad tilab qolaman", - deydi To'raev.

"Navbahor" matbuot xizmati