Xushnudbek Avilov: "Bir marotaba qilgan bu xatoimni boshqa takrorlashni istamayman"

Xo'sh, nima sababdan bunday holat yuz berdi? Endilikda faoliyatini qaerda davom ettiradi? Futbolchi bu borada fikrlari bilan o'rtoqlashdi.

- Mavsum davomida kam uchrashuvda maydonga tushganingiz nima bilan bog'liq?

- Xa, to'g'ri aytdingiz. "Navbahor"da ko'p ham to'p tepmadim. Lekin menga boshqacha gap aytishgandi. Markaziy himoyada o'ynaysan, deb shartnoma tuzishgandi. Lekin buning aksi bo'ldi. Maydonga deyarli tushganim yo'q.

- Davralar oralig'ida "Andijon"ga qaytmoqchi bo'lgan edingiz...

- Buni o'zim istadim. "Andijon"ga yordam berishni maqsad qilgan edim. Nega desanngiz, ko'pchilik muxlislar mendan norozi bo'lib qolgandi. SHuning uchun ham Andijonga qaytaman, deb turgandim. 

- Hozirda bu jamoa Pro ligaga tushib ketdi. Takliflarning qaysi ligadan ekanligi ham qiziqtiradimi? 

- Hozir Pro liga ham Superligadan qolishayotgani yo'q. Buni ko'rib chiqamiz. Bir marotaba qilgan xatoimni yana takrorlashni xohlamayman. 

- Zaxirada o'tirib ham pulingizni olib o'tirsangiz bo'lardi. Lekin o'yin amaliyotini ustun qo'ymoqdasiz to'g'rimi?

- To'g'risini aytaman. Qancha pul olmang maydonga tushmasangiz yoqmaydi. Buni bir yil davomida bildim.

- "Navbahor" bilan do'stona xayrlashdingizmi? Odatda qishda futbolchi va klub o'rtasida maosh, shartnomalar bilan bog'liq muammolar ko'payadi...

- Yo'q, hali pul masalasida rozi qilishmadi. Klubni qarzi bor. 

- O'tgan oyda xorijdan taklif ham kelib tushgandi. Hozirda jarayon qanday ketmoqda?

- Hozirda o'zimizdan jamoalar chiqyapti. 1-2ta davlatlardan taklif bo'lgandi. "Navbahor" qo'yib yubormadi. 

Abdulaziz  Iskandarov