Xayrulla Xoliqov kichik mundiallarni talab qildi. Menda etiroz bor

Bugun hamkasbim Xayrulla Xoliqovning “Munosabat. O'FFning yangi prezidenti nimalarga etibor qaratishi kerak”, degan maqolasi chiqdi. Yaxshi yozilgan, undagi barcha fikrlarga qo'shildim. Bittasidan tashqari.

Qo'shilmagan joyimdan parcha keltiraman: “Yangi rahbar oldida avvalo respublikamiz bo'ylab bolalar va o'smirlar futbolini ko'tarish, ayollar futboliga etibor berish, o'smirlar va yoshlar terma jamoalarimizning muntazam jahon chempionatlarida ishtirokini taminlash, hali bajarilmagan vazifa - Olimpiada o'yinlari va Jahon CHempionatiga chiqish kabi vazifalarni hal etish turadi”.

Futbol jurnalistikasida faoliyat ko'rsatishni boshlaganimdan buyon o'z principlarimga ko'ra ish tutaman. Bunda bolalar futbolidan natija talab qilish degan tushunchaning o'zi yo'q. Istardimki, mamlakat futbolining keyiniga shunday princip begona bo'lmaydi.

Balki Xoliqovning o'zlari ham bolalar futbolidagi natijalarga qarshi bo'lsalar ajab emas. SHunday bo'lsa, o'smirlar va yoshlar termalarining tinimsiz kichik mundiallarda o'ynashini talab qilishlari tushunarsiz. SHu erda eslatib o'tish kerak, o'smirlar futboli bolalar futbolining intixosi, yoshlar futboli esa katta futbolning ibtidosidir. Biz ortda qolgan yillar davomida mana shu ikki front ishini noto'g'ri yo'lga qo'ydik.

O'ylaysizki, so'nggi 2-3 yilda yoshlar va o'smirlar JCHga chiqa olmagani O'FF yomon ishlaganidan darak beradimi? O'FF yaxshi ishlamadi degan fikrni ilgari surganim holda aytamanki, uning yomon ishlaganini bu mezon bilan o'lchamayman. CHunki bu yuqorida aytganim principga qarshi borishim demakdir. O'z vaqtida o'smirlar va yoshlarimiz ketma-ket mundiallarga borgan vaqtlar ham bo'ldi. Faqat sizga savol: bundan bir ish chiqdimi?

Meksika qahramonlarini elkaga oldik, keyingilarini boshga chiqardik. Ammo ular orasidan aqalli Rossiya Premer-Ligasiga tortadigan futbolchi chiqqani yo'q. Mamlakatning bugungi kundagi eng yaxshi futbolchisi Odil Ahmedov esa kichik mundialda o'ynamagan. SHugina misolning o'zi etarli emasmi?

Eski rahbariyat o'smirlar va yoshlar murabbiylaridan natija talab qilgani uchun ham yoshini kichiklashtirgan futbolchilar ko'payib, futbol tag-tomiridan uzila boshladi. Ubaydullaev bilan Misrga borgan Ivan Nagaev hozir qaerda-yu, u bilan tengdosh bo'lgan Starrij qaerda? Axir biz JCHda inglizlar bilan durang o'ynamaganmidik? Geynrix, Zeytullaev kabilar Inesta, Maskeranolarga qarshi o'ynagan, ammo farqi bor ularning, to'g'rimi? Musaev yigitlari JCHda chorak finalga chiqqandir. Lekin nima foyda borki, agar Franciya, Urugvay kabi termalar indamay 4 talab gol urib tashlasa? Baribir farqimiz yaqqol ko'rinib turibdi-ku.  

Nima demoqchiman. Bu kabi natijalar milliy terma uchun sariq  chaqalik ahamiyatga ega emasligini biz ortda qolgan 8 yilda ko'rib bo'ldik. Marat Kabaevning 1991 yilda tug'ilgan futbolchilari JCHda o'ynamasa ham, tayinli futbolchilar sonida ularning ko'rsatkichlari Misrda o'ynagan 89 larnikidan yaxshiroq. O'zimizcha yoshlar futbolida sherga o'xshab qichqirib, katta futbolda mushukcha bo'lganimizdan ko'ra, keling, kichik mundiallarni planka deb olmaylik. Mayli, Nuralievning hozirgi o'smirlari bormasin JCHga, ammo tarkibidan kamida 6-7 nafar saviyali yigitlar chiqsinki, biz katta futbolda Eron yoki Janubiy Koreya oldida qaltirab turmaylik. Yoki o'sha variant - JCHda chorak finalgacha boraylik-da, 6-7 yildan keyin shu futbolchilarni Oliy Ligadan ham topa olmay yuraylik.