Van Deyk: “Ular mavsumni biz kabi yomon boshlashdi”

Mersisaydliklar turnir jadvalida 2 ochko bilan 12-o'rinda turibdi, “qizil iblislar” esa birorta ham ochkosiz autsayderga aylangan.

“Bizni mehmonda qiyin o'yin kutmoqda, ammo umid qilamanki, jarohatdagi futbolchilarning bazilari safga qaytishga ulguradi va keyin yaxshi o'yin ko'rsata olamiz.

Bir necha yil davomida “Manchester Yunayted”ni mehmonda yutishga qiynalgandik, ammo o'tgan mavsum qoyilmaqom natijaga erishdik.

Ular ham xuddi biz kabi joriy mavsumni yomon boshlashdi. SHu tufayli to'qnashuv qiziq o'tadi. “Manchester Yunayted” – sifatli futbolchilarga ega ajoyib jamoa. MYUda ishonch bilan bog'liq muammolar yuzaga kelgan, ammo ular uchun bu o'yin o'zlarini qutqarish uchun zo'r imkoniyatdir. Biroq, bor etiborimizni o'zimizga qaratganmiz va bu haftada qo'ldan kelgancha ter to'kamiz”, deydi niderlandiyalik himoyachi.

Eslatib o'tamiz, “Old Trafford”dagi uchrashuv 22 avgust kuni soat 23:59 da start oladi.