"Valensiya": "Biz futbol o'ynagan paytlarda, ular Amerikada bizon quvib yurishardi"

Ispaniyaliklar klubning 100 yilligi uchun yangilangan ko'rshapalakli logotip taqdim etishdi. DC Comics studiyasidagilarning fikricha, mualliflar ularning g'oyasini o'g'irlashgan ekan. Studiya intellektual mulkni himoya qiluvchi Evropa qo'mitasiga ariza yubordi.

"Valensiya" vakillari ayblovlarni rad etishmoqda. Klubdagilarning fikricha, studiya ko'rshapalak suratining tijorat huquqiga ega bo'la olmaydi.

"Bizning klub ko'kragida ko'rshapalak logotipi bor formalarda o'ynaganida, ular Amerikada bizonlar ketidan quvib yurishardi" - deydi "Valensiya" rahbariyati vakillaridan biri.

Eslatib o'tamiz, "Valensiya" 1919 yildan boshlab logotipida ko'rshapalak suratini ishlata boshlagan. Betmen haqidagi ilk komikslar 1939 yilda paydo bo'lgan.