Vadim Abramov: "O'yin oson kechmadi"

O'yin haqida
- G'alaba qozongan bo'lsak-da, o'yin oddiy kechmadi. Raqib bizga jiddiy qarshilik ko'rsatdi hamda tartibli futbol namoyish etdi. O'ylaymanki, Edgar Gess Andijonda yaxshi jamoani shakllantiradi. Ikkinchi davrada bu jamoaga qarshi to'p tepish biz uchun oson kechmaydi. O'yindan to'liq qoniqdim deya olmayman. CHunki Osiyo chempionlar ligasida guruhdan chiqa olmadik va bundan hammamiz tushkun kayfiyatdamiz.

Katta Jasur Hasanov haqida
- U shamollab qoldi. SHu bois safarda "Fulad"ga qarshi bahsda ham, bugungi o'yinda ham maydonga tushmadi.

Koryanning almashtirilishi haqida
- Biz o'yinni ikkita hujumchi bilan boshladik, keyin vaziyatni o'zgartirishga to'g'ri keldi va Ruslan Koryanni almashtirdim. Maqsadimiz maydon markazini kuchaytirish edi va Koryan o'rniga Ikrom Aliboevni tushirdik.

Navbatdagi raqib haqida
- Keyingi turni safarda "Olmaliq"qa qarshi o'tkazamiz. Juda qiziq o'yin bo'ladi deb o'ylayman. "Olmaliq" ham hozir etakchilar safida boryapti va yaxshi shakllangan jamoa hisoblanadi. Biz bu raqibga qarshi jiddiy tayyorgarlik ko'ramiz.

OCHL yakunlari haqida
- Bu borada shaxsiy fikrim shuki, yanvarda Osiyo Kubogi o'tkazilgani OCHLda ishtirok etgan klublarga tasir qildi. SHu bois bizdan hech qaysi jamoa guruhdan chiqa olmadi. Albatta, bu mening shaxsiy fikrim. Qolaversa, bizning guruhda "Al Hilol", "Al Sadd" kabi kuchli jamoalar bor edi va ular bilan raqobatlashish qiyin kechdi. Kelasi yil OCHLda ijobiy natija qayd etamiz deb umid qilaman.