Vadim Abramov: " Yirik hisobdagi yutuqni kutmagandik"

O'yinni hamma ko'rdi. SHuning uchun savollarga o'tsak ham bo'ladi.

- Yirik g'alaba qozonishingizni avvaldan sezganmidingiz?
- "Nasaf" kuchli jamoa. Biz bu o'yinga puxta tayyorgarlik ko'rgandik. Yirik hisobdagi yutuqni kutmagandik. Biz avvaldan qarshi hujumlar rejasi asosida o'ynamoqchi bo'lgandik.

- Ivan Nagaev zaxiradan maydonga tushirildi. Birinchi davradagi o'yinlarda jamoaning ko'plab gollarini aynan shu hujumchi kiritgandik.
- Bizni jamoada ko'plab tajribali futbolchilar bor. Raqobat kuchli. Biz imkon darajasida hamma futbolchilarga imkoniyat berishga harakat qilamiz. Har bir o'yinga, raqibga qarab tarkib va taktika tanlaymiz.

- Birinchi davradagi eng qiyin o'yin aynan "Nasaf"ga qarshi bo'lgandi degandingiz. Bugungi bahsda osonlik bilan g'alaba qozondik deb o'ylaysizmi?
- Yo'q, aytib o'tganimdek raqib ancha kuchli. Mavsum avvalida biz "ajdarlar"dan kuchsizroq edik. Hozir esa istalgan raqib bilan bellasha olamiz. Bugungi o'yin shu qadar kechdiki, bizda ko'plab gollar kiritish imkoniyatlari yuzaga keldi va futbolchilarim bu vaziyatlardan unumli foydalana olishdi. Darhaqiqat, hozirgacha eng qiyin kechgan bahs "Nasaf" bilan bo'lgan.