"Union" bosh murabbiy Urs Fisher bilan xayrlashdi

Har ikki tomon o'zaro kelishib shunday qarorga kelgan. Bosh murabbiy klub prezidenti Dirk Cingler bilan yuzma-yuz uchrashuvi vaqtida yakuniy qaror qabul qilingan.

Fisher "Union"ni 2018 yil yozidan buyon boshqarib kelayotgandi. SHveycariyalik mutaxassis klub tarixidagi eng muvaffaqiyatli murabbiy hisoblanadi. O'zining birinchi mavsumidayoq Fisher jamoani Bundesligaga olib chiqishni uddaladi. SHuningdek, aynan Urs qo'l ostida "Union" tarixida ilk bor evrokuboklarda ishtirok etdi. O'tgan mavsum jamoa to'rtinchi o'rinni egalladi va hozirda CHempionlar Ligasida ishtirok etmoqda. Bu ham "Union" tarixida ilk bor yuz bergan voqealar sanaladi. 

Bugungi kunda "Union" barcha musobaqalarni inobatga olganda 14 o'yinlik mag'lubiyatli seriyani qayd etmoqda. Bundesligada Berlin jamoasi oxirgi, 18-o'rinni egallab turibdi.