Ummonga qarshi tarkib etirozingizga sabab bo'ldimi?

Aslida etiroz o'rinlimi? Mana shunday vaziyatlarda anglashilmovchiliklarga oydinlik kiritish bizning vazifamizga kiradi.

Xabaringiz bor, 14 sentyabr kuni boshlanadigan Osiyo o'yinlarida Mirjalol Qosimov oldiga chempionlik vazifa etib qo'yildi. Afsuski 1991 yilda tavallud topgan futbolchilarimiz sentyabr oyiga qadar bironta yig'in o'tkaza olmaydilar. Boisi bu tarkibning barcha azolari oliy liga jamoalarining asosiy tarkibida to'p tepyatilar. Har qanday yig'indan,  bitta o'yin yaxshi. SHunday ekan ularni yig'ishdan naf yo'q. Klublar esa futbolchilarini xorij yig'iniga berib yuborishni istashmaydi. CHunki MTJdan boshqa har qanday terma jamoa ishtirokidagi o'yinlar uchun FIFA kuni qoidasi mavjud emas.

Bunday paytda Qosimov oldida birgina imkoniyat qoladi. Sentyabr oyiga qadar o'tkazilinadigan MTJ yig'inlari huddi Ummonga qarshi o'yin kabi kengaytirilgan tarkibda o'tkazish. Aynan shu sabab, Navro'z Olimov, Azim Ahmedov,  Sardor Sobirxo'jaev, Husniddin G'ofurov va SHahzodbek Nurmatov kabi futbolchilar MTJ yig'iniga jalb etildilar. Bu futbolchilar yaqinlashib kelayotgan Osiyo o'yinlarida terma jamoamiz sharafini himoya qilishlarini inobatga olsak, ularni kattalar ichida tajriba to'plashlari o'ta muhim.

Terma jamoaga jalb qilingan futbolchilar ichida, quyidagilar Osiyo o'yinlarida terma jamoamiz sharafini himoya qilishlari mumkin:
Darvozabonlar:
Eldor Suyunov (Nasaf)

Himoyachilar:
Bobur Yo'ldoshev (Lokomotiv)
Vladimir Kozak (Paxtakor)
Egor Krimec (Paxtakor)
Davron Xoshimov (Paxtakor)

Yarim Himoyachilar:
Jamshid Iskanderov (Paxtakor)
Azim Ahmedov (Navbahor)
Sardor Rashidov (Bunyodkor)
Sardor Sobirxo'jaev (Bunyodkor)

Hujumchilar:
Igor Sergeev (Paxtakor)
Husniddin G'ofurov (Yavor Serbiya)
Navro'z Olimov (Qizilqum)
SHahzodbek Nurmatov (Metallurg)

Osiyo o'yinlarida 20ta futbolchini qaydnomadan o'tishini inobatga olsak va ulardan 13 nafari MTJ safida tayyorgarlik olib borishi, bizning muvaffaqiyatmizga poydevor bo'lib xizmat qilish mumkin. Albatta bu shaxsiy fikr, lekin murabbiylar shtabini ham bundang boshqa hech qanday imkoniyati yo'q.

Qoidaga ko'ra MTJ safida 1991 yildan avval tug'ilgan uch nafar futbolchi Osiyo o'yinlarida ishtirok etishi mumkin.  Bu uch futbolchining birontasi ham legioner bo'lmasligi mumkin. Boisi bu paytda xorij chempionatlari endi boshlangan bo'ladi.

Nodirxo'ja Yuldashev