Ulug'bek Bakaev: "Kubokda guruhdan chiqib olishimiz kerak"

- "Yangier" yaxshi futbol o'ynashga harakat qildi. Ularda bunga ishtiyoq bor edi. Bizda esa nimalardir o'xshadi, nimalardir esa yo'q. O'yindagi balans yomon emas, yaxshi gol urib oldik. Ayrim rejalarimiz bor edi, bir qancha futbolchilarni sinab oldik. Jamoani g'alaba bilan tabriklayman. Yigitlar bugun o'yinga o'zlarini bahsh qila olishdi va qattiq harakat qilishdi.

- "Buxoro"dagi navbatdagi g'alabangiz bilan tabriklayman. Jamoaning oldiga kubok bahslarida qanday vazifa qo'yilgan?

- CHempionat ham, kubok o'yinlari ham muhim. Avvalo kubokda guruhdan chiqib olishimiz kerak. Undan keyin bizda belgilangan tartibda yig'inlar bo'ladi. CHempionatda esa holatimiz unchalik yaxshi emas. Endigina 7 ochko jamg'ardik. Hozir barcha jamoalar malum bir vazifalarini bajarish uchun ter to'kmoqda. Bizda ham shunday maqsadlar bor. Har bir o'yinda bizga g'alaba kerak. Uchrashuvga maydonga tushayotganda raqibni hurmat qilyapmiz. O'z navbatida samarali o'yin ko'rsatishni, g'alaba qozonishni istaymiz. SHu sababli ishlar doim ham o'xshamayapti. Hozir esa kubokda guruh bosqichidan chiqib olishimiz kerak.