"U menga hatto iltimos ham qilmay qo'ydi" - Pedri Ferran Torresning "shaxsiy haydovchisiga" aylangani haqida hazillashdi

Kataloniyaliklar yulduzlari "Antena 3" telekanalidagi "El Hormiguero" ko'rsatuvida mehmon bo'lishdi.

"Men xuddi Uber haydovchisiman":

Pedrining so'zlariga ko'ra, Torres uning xizmatlariga shunchalik o'rganib qolganki, endi buni oddiy holdek qabul qilmoqda:

"Bu xuddi Uber chaqirishga o'xshaydi. U nonushtadan so'ng uyidan shunchalik xotirjam chiqib keladiki...

O'tgan kuni kechasi, soat sakkiz yoki to'qqizlar atrofida u menga: "Meni soat nechada olib ketasan?" deb yozadi. U hatto iltimos ham qilmay qo'ygan, "iltimos" so'zini ishlatmaydi. Bir kun kelib u menga: "Men bilan gaplashma, faqat mashinani hayda," desa ham ajablanmayman," — dedi Pedri kulib.

Futbolchilar o'rtasidagi bunday do'stona hazillar "Barselona" ichidagi muhit ancha iliq ekanligidan dalolat bermoqda.