U-20 Osiyo kubogi saralashiga bir yosh kichik jamoamiz boradi. Nima uchun?

Unda Ravshan Haydarov boshchiligidagi (2003 yilda tug'ilganlar) terma jamoamiz emas Farhod Nishonov boshchiligidagi (2004 yilda tug'ilganlar) jamoamiz qatnashadi.

Sababi kelgusi yil U-20 Osiyo kubogi final bosqichi O'zbekistonda o'tadi va saralashda qanday natija qayd etishimizdan qatiy nazar mezbon sifatida musobaqada ishtirok etamiz. O'FA bir yosh kichik futbolchilarga tajriba bo'lishi uchun mana shunday qarorga kelgani aytilmoqda. Bizning guruhimizdan Maldiv orollari, Myanmar, Saudiya Arabistoni va Xitoy jamoalari o'rin olgan. Saudiya Arabistonidagi saralashda qatnashishdan avval Nishonov shogirdlari 6 sentyabr kuni Dubayda BAA U-19 jamoasi bilan o'rtoqlik uchrashuvi o'tkazishadi.

O'zbekiston U-19 terma jamoasining bo'lajak o'yinlari (Bosh murabbiy: Farhod Nishonov)

6 sentyabr (Dubay)
BAA - O'zbekiston

10 sentyabr
O'zbekiston - Maldiv orollari

12 sentyabr
O'zbekiston - Myanmar

14 sentyabr
Saudiya Arabistoni - O'zbekiston

16 sentyabr
Xitoy - O'zbekiston



Keyingi yil O'zbekistonda o'tadigan U-20 Osiyo kubogida qatnashadigan Ravshan Haydarov boshchiligidagi (2003 yilda tug'ilganlar) terma jamoamiz esa 7-11 sentyabr kunlari Urugvaydagi xalqaro turnirda ishtirok etadi. U erda yoshlarimiz Braziliya, Argentina va Urugvay yoshlar terma jamoalari bilan o'rtoqlik o'yinlari o'tkazadi. 24 va 27 sentyabr kunlari esa Toshkentga U-20 Jahon chempionatiga yo'llanmani qo'lga kiritib bo'lgan Slovakiya terma jamoasiga qarshi o'yinlar bo'ladi.

O'zbekiston U-20 terma jamoasining bo'lajak o'yinlari (Bosh murabbiy: Ravshan Haydarov)

7 sentyabr (Maldonado, Urugvay)
Urugvay - O'zbekiston

9 sentyabr (Maldonado, Urugvay)
O'zbekiston - Argentina

11 sentyabr (Maldonado, Urugvay)
Braziliya - O'zbekiston

24 sentyabr (Toshkent)
O'zbekiston - Slovakiya

27 sentyabr (Toshkent)
O'zbekiston - Slovakiya