Tojikistonda "Varzish" sport telekanali ishga tushdi

19 fevral kuni "Varzish" deb nomlangan Tojikiston davlat sport telekanali test rejimida efirga uzatila boshlagan edi. Bugun ushbu kanal rasman o'z faoliyatini boshladi. Endi tojikistonlik sport muxlislari HD (high definition - yuqori tiniqlikda) sifatda turli musobaqalarni tomosha qilishlari mumkin. Barcha suratga olish, montaj va translyaciya uskunalari HD formatida ishlaydi.

Ushbu kanalni Tojikiston aholisining 60% raqamli formatda tomosha qilishi mumkin. "Varzish" telekanali futbol bo'yicha Evropaning kuchli beshlik chempionatlarini ko'rsatishni reja qilgan.

Eslatib o'tamiz, yurtimizda "UZREPORT" telekanali Angliya Premer-ligasi va UEFA CHempionlar ligasi bahslarini to'g'ridan-to'g'ri efirga uzatmoqda.