Tezkor! Varan Franciya terma jamoasidagi faoliyatiga yakun yasadi

"Le Parisien" malumotlariga qaraganda, 29 yoshli futbolchi uzoq o'ylab, buning ijobiy va salbiy tomonlarini ko'rib chiqdi va yakunda milliy jamoa uchun xalqaro o'yinlarda qatnashmaslik qaroriga keldi. Endilikda futbolchi ko'proq vaqtini oilasi bilan o'tkazmoqchi.

Franciya terma jamoasi tarkibida Varan 2018 yilda jahon chempioniga aylandi. 2022 yilgi Jahon chempionatida jamoasiga kumush medalni qo'lga kiritishiga yordam berdi. 

Himoyachi Franciya bilan 2021 yilgi Millatlar Ligasida ham g'olib chiqdi. U asosiy terma jamoadagi debyutini 2013 yilning mart oyida o'tkazgandi.

Varan joriy mavsum "Manchester Yunayted" safida 18 ta o'yinda maydonga tushishga ulgurdi.