Tachmurad Agamurodov: "Dinamo"ning maqsadi oliy ligada qolish"

"Yigitlar o'yinni yaxshi boshlashdi, o'yinni nazorat qildik. Ob-havo ancha issiq edi, raqibning o'yini chiqmadi. Gol urib hisobda oldinga chiqib oldik. Afsuski tanaffusdan so'ng ikki nafar yosh futbolchimizning xatolari tufayli ikkita gol o'tkazib yubordik. "Mashal"ni g'alaba bilan tabriklayman", - deydi Agamurodov.

"Dinamo"ning maqsadi oliy ligada qolish. Umid qilamanki o'z maydonimizdagi o'yinlarda kerakli ochkolarni qo'lga kiritamiz. Agar shunday bo'lsa imkon qadar yuqoriroq o'rinlarga harakat qilamiz".

"Sirojiddin Sayfiev yaxshi o'ynadi, biroq og'riq sezib o'zini almashtirishlarini so'radi. SHu bois Sanoqulovni tushurdim. Afsuski aynan u yoshlik qilib penalti ishladi".

"Jamoani qabul qilib olganimda tajribali va qobiliyatli futbolchilardan iborat edi. Biroq ruhiy holat og'ir edi, bir qator omadsiz o'yinlardan so'ng yigitlarda qiyinchilik bor edi. Ushbu "ruhiy o'ra"dan chiqib keta oldik".

"O'zbekistonda futbol bir joyda turayotgani yo'q. Yaxshi jamoalar ko'paymoqda, masalan "Mashal"ni olaylik. Birinchi ligadan chiqib yuqori o'rinlar uchun kurashmoqda. SHunday jamoalar ko'paysa chempionat rivojlanib boraveradi".