Superliganing eng yaxshi murabbiyi - Mirjalol Qosimov

Ikki davradan iborat bo'lgan chempionatning dastlabki bosqichi yakunlandi. O'tkazilgan 22 tur davomida barqaror o'ynagan futbolchilar orasidan eng yaxshilar tanlab olindi. Jurnalistlar o'rtasida tashkil qilingan so'rovnomada "Eng yaxshi futbolchi", "Eng yaxshi murabbiy" va "Eng yaxshi darvozabon" nominaciyalari g'oliblari aniqlandi.

Superliganing 1-bosqichi yakunlariga ko'ra, chempionat o'yinlarini muntazam kuzatib hamda yoritib borgan "Championat.asia" va "Sport" kanali jurnalistlari o'rtasida o'tkazilgan so'rovnoma natijalarini elon qilamiz.

O'tkazilgan so'rovnomaga ko'ra, "Bunyodkor" bosh murabbiyi Mirjalol Qosimov 48 ball bilan raqobatchilaridan ancha ildamlab ketdi va birinchi o'rinni qo'lga kiritdi. Qosimovga eng yaqin raqobatchi bo'lgan "Navbahor" ustozi Ilhom Mo'minjonov 35 ball to'plagan holda ikkinchi o'rin bilan kifoyalandi. "Paxtakor" bosh murabbiyi SHota Arveladze esa 15 ball bilan "kuchli uchtalik"ka kirishga muvaffaq bo'ldi. "Lokomotiv"ni mavsum davomida qabul qilib olgan Andrey Fyodorov esa 13 ball to'plashga erishdi. Nomzodlar orasida bo'lgan Ulug'bek Baqoev 7 ball yig'di. Oxirgi o'rin esa 2 ball to'plagan AGMK ustozi Baxtiyor Ashurmatovga nasib etdi.

Kim kimga ovoz berdi?

P.S. Birinchi o'rin - 5 ball, ikkinchi o'rin - 3 ball, uchinchi o'rin - 2 balldan hisoblanadi.

Eng yaxshi murabbiy laureati uchun nomzodlar

1. Mirjalol Qosimov ("Bunyodkor") — 48 ball

2. Ilhom Mo'minjonov ("Navbahor") — 35 ball

3. SHota Arveladze ("Paxtakor") — 15 ball

4. Andrey Fyodorov ("Lokomotiv") — 13 ball

5. Ulug'bek Baqoev ("Buxoro") — 7 ball

6. Baxtiyor Ashurmatov (AGMK) — 2 ball