Superliga. 5-tur laureatlari

Championat.asia tur bahslari asosida tur laureatlarini aniqladi.

"Qizilqum" klubi bu turda Toshkentda "Olmaliq" mehmoni bo'ldi va 1:0 hisobida g'alaba qozondi. Navoiyliklar posboni Ignatiy Nesterov shu kuni juda ajoyib o'ynadi va raqiblarning bir qator zarbalarini qaytarishga erishdi. Uchrashuvning so'nggi daqiqalarida o'z darvozasi tomon belgilangan penaltidan keyin to'pni qaytardi va jamoasi g'alaba qozonishiga katta hissa qo'shdi. "Qizilqum" posboni Ignatiy Nesterov championat.asia sayti talqiniga ko'ra 5-turning eng yaxshi darvozaboni deb topildi.

"So'g'diyona" bu tur chempionlikka davogar bo'lgan "Navbahor"ni Namanganda 2:1 hisobida mag'lub etdi. Jizzax klubi kuchli tarkibga ega bo'lgan "lochinlar"ga qarshi tartibli o'ynashdi va ijobiy natija qayd etishdi. SHu bois Championat.asia sayti talqiniga ko'ra, 5-turning eng yaxshi murabbiyi Ulug'bek Baqoev bo'ldi.

Bu turda "So'g'diyona" yarim himoyachisi Doniyor Abdumannopov "Navbahor" bilan bahsda ajoyib gol urdi va tur goli muallifiga aylandi.  

O'tgan mavsum "Nasaf"da o'ynagan yarim himoyachi SHohmalik Komilov bu yil "Dinamo"da faoliyat olib bormoqda. Bu tur Komilov "Lokomotiv"ga qarshi bahsda ikkita golli uzatmani amalga oshirdi va "Dinamo"ning mavsumdagi ilk g'alabasiga katta hissa qo'shdi. SHu tariqa, SHohmalik Komilov championat.asia talqiniga ko'ra 5-turning eng yaxshi futbolchisi deb topildi. 

O'zbekiston chempionati turnir jadvali >>>>> Superliga