“So'g'diyona” yangi futbolchilarni tanishtirdi FOTO

Bo'lib o'tgan taqdimot marosimida  Jizzax viloyati futbol federaciyasi vice-prezidenti Anvar Musulmanov, "So'g'diyona” FK bosh murabbiyi Davron Fayziev, OAV xodimlari va fan-klub azolari ishtirok etishdi. Dastlab Anvar Musulmanov so'z olib, jamoaning yangi mavsumga olib borgan tayyorgarligi, ushbu mavsumda muxlislarning stadionga kirish tartiblari haqida to'xtalib o'tdi.

Bosh murabbiy Davron Fayziev esa jamoadagi o'zgarishlar, yangi taklif etilgan futbolchilar, rahbariyat tomonidan qaratilayotgan etibor to'g'risida gapirib, bu yilgi mavsumda jamoa muxlislarga yoqadigan o'yin ko'rsatishiga harakat qilishini va yaxshiroq natijalar qayd etilishiga bor kuchlari bilan mehnat qilishlari haqida gapirdi.

SHundan so'ng, OAV xodimlari o'zlarini qiziqtirgan savollarga javoblar olishdi.SHundan so'ng, 18 mart kuni "Olmaliq” jamoasi bilan bo'lib o'tadigan o'yindan oldingi navbatdagi mashg'ulotlarga kirishildi. Barcha muxlislarni 2017 yil 18 mart kuni, soat 17-00da bo'lib o'tadigan XXVI O'zbekiston chempionati 3-tur o'yinida jamoani bevosita stadiondan qo'llab quvvatlashga chaqiramiz. SHu kuni Jizzaxda chempionatning rasmiy ochilish marosimi ham o'tkaziladi.Yana  bir yangilik, joriy mavsumda klub o'zining yangi avtobusiga ega bo'ldi.

Jamoaga kelib qo'shilgan futbolchilar.  1. Sarvar Karimov "Lokomotiv"  2. Sardor Qulmatov "Neftchi"  3. Azamat Isroilov "Andijon"  5. G'ulom Urunov "Andijon"  6. Sunnat Mamadaliev "SHurtan"  10. Alisher Maxmudov "Navbahor"  11. SHoxrux Dostonov  "Mashal"  13. Rustam Azamov "Norin"  20. Ulug'bek Xudoyberdiev "Metallurg"  22. Doston Abdurahmonov "Olmaliq"  34. Omon-biik Xalilov "Navbahor"  12. SHoxrux Eshbo'taev "Mashal"

"So'g'diyona" matbuot xizmati