"SHabab Al Ahli" bosh murabbiyi: "Nasaf"ga qarshi o'yinda Azmunni maydonga tushirmaganimga bir qancha sabab bor"

- Bugungi o'yin haqida qanday fikrdasiz?
- G'alaba bilan "Nasaf" bosh murabbiyi va futbolchilarini tabriklayman. Qiziqarli o'yin guvohiga aylandik. Raqib jamoaning ikkinchi bo'limdagi o'yinini etirof etish joiz. Ular tanaffusdan butkul boshqacha kayfiyatda chiqishdi va o'yin tizginini o'zgartirishdi. SHogirdlarim bazi vaziyatlarda poziciya tanlashda xatoga yo'l qo'yishdi. Qolaversa, ikkinchi bo'limda yigitlarda toliqish alomatlari paydo bo'ldi. SHu bois, o'zgarishlar amalga oshirdik. Biroq zaxiradan maydonga tushgan o'yinchilar o'zini oqlamadi. Bundan tashqari, ikkinchi golni o'tkazib yuborishimizdan avvalroq juda qulay imkoniyatdan unumli foydalana olmagandik. Futbolda shunday naql bor: "Sen urmasang — senga urishadi". Bu gap amalda o'z tasdig'ini topdi. "Nasaf" ikkinchi bo'limdagi o'yini evaziga haqli g'alaba qozondi, meni raqibni tabriklashdan boshqa choram yo'q.

- Bugungi o'yinda Sardor Azmunni maydonga tushirish ehtiyoji paydo bo'lmadimi?
- Azmunning bizga yordami tekkan bo'lardi. U istedodli hujumchi va poziciyalarga ochilish hamda so'nggi qarorni qabul qilishda boshqalardan tajribaliroq hisoblanadi. Ammo uning maydonga tushirmaganimga bir qancha sabab bor. Azmunga biroz vaqt kerak. Hozircha tarkibda uning o'rnini bosadigan futbolchilar bor. SHu bilan birga, u jarohatlar tufayli oxirgi ikki yilda o'yin amaliyotiga ega bo'lmadi. Sardor eski formasini tiklab olsa, bizga katta yordami tegadi.