Sergey Lushan: "Asosiysi g'alaba qozondik"

"Asosysi g'alaba qozondik. Mavsumni uch ochko bilan boshlaganimiz juda muhim ahamiyat kasb etadi. O'yinda biroz kamchiliklar bo'ldi va buni ko'rib chiqamiz va xatolar borasida ishlaymiz. Jamoa ikkita to'p kiritib olganidan so'ng o'yini o'zgardi va futbolchilar harakatida tushunarsiz holatlar yuzaga keldi. "Bunyodkor"dek jamoa uchun bunday o'ynash yaramaydi", - deya gap boshladi Sergey Lushan.


- Jamoa bugun juda qo'pol o'ynadi. "Bunyodkor" uchrashuvda favorit bo'la turib raqibga nisbatan qo'pol o'ynaganining sababi nimada?
- Men hakam emasman va buni referilar ko'rib chiqishlari kerak. Futbolchilar harakatlariga yarasha ogohlantirildi.

- Jamoa safida ogohlantirish yoki chetlatish olgan futbolchilarga nisbatan klub chora qo'llaydimi?
- Agarda futbolchi urush yoki qandaydir boshqa keraksiz joyda o'ziga sariq kartochka yoki qizil kartochka ishlab olsa, unda albatta chora ko'ramiz.

- Sardor Rashidov bilan nima ruy bermoqda? So'nggi o'yinlarda uning o'yinlarida joziba va ishonch etishmayapti. Muxlislar undan yorqin futbol kutishmoqda.
- Yosh futbolchi uchun keragidan ortiq etibor ham uning zarariga ishlamoqda. U biroz o'ziga kelib olishi kerak. Matubot va muxlislar uni salkam dunyoning eng kuchli futbolchisiga chiqarib yuborishdi. Sardor Rashidovning to'psiz harakatida kamchiliklar hali ham bor va buni tuzatishi kerak. To'pni raqibdan olishda Rashidov faol emas. To'g'ri tushuninglar, Sardor Messi yoki Ronaldo emas. U hali yosh va etarli tajribaga ega emas.

- Xayrulla Karimovning holati qanday va nimaga uni maydonga tushirmayapsiz?
- Xayrulla Karimov juda yaxshi formada va bu borada unda muammo yo'q. Xayrulla istalgan paytda maydonga tushib jamoaga yordam berishi mumkin. Karimov hozirda meni birinchi yordamchim hisoblanadi. U hozirda o'ynovchi murabbiy sifatida ishlamoqda.