Safarda faqat yutqazayotgan "Qizilqum", faqat o'z uyida ochko olayotgan "So'g'diyona"ga qarshi. Prevyu
22 apr 2023 11:48
Yangiliklar

Safarda faqat yutqazayotgan "Qizilqum", faqat o'z uyida ochko olayotgan "So'g'diyona"ga qarshi. Prevyu

Bugun, 22 aprel kuni Coca Cola Superliganing 6-turi doirasida "So'g'diyona" Zominda "Qizilqum" klubini qabul qiladi.

O'ZARO O'YINLAR TARIXI
Bu ikki klub O'zbekiston chempionati doirasida hozirgacha 40 marta to'qnash kelishgan. Ustunlik "Qizilqum" tomonida. 18ta o'yinda Navoiy shahri jamoasi g'olib bo'lgan, 9 bor "So'g'diyona" zafar quchgan. Qolgan 13ta bahsda g'olib aniqlanmagan

"Qizilqum" o'zaro o'yinlarda 55ta gol urgan, "So'g'diyona" hisobida esa 38ta gol mavjud.

"So'g'diyona" mezbon bo'lgan 20ta uchrashuvning 9tasida o'zi zafar quchgan, 5ta bahsda durang qayd etilgan. Navoiy klubi bu raqib maydonidan 6 marta g'alaba bilan qaytgan.

Etiborlisi, o'tgan mavsum "Qizilqm" safarda ham (3:0), o'z maydonida ham (2:1) bu raqibni mag'lub etgan.

OXIRGI TO'QNASHUVLAR
2022 yil "Qizilqum" - "So'g'diyona" 2:1
2022 yil "So'g'diyona" - "Qizilqum" 0:3
2021 yil "Qizilqum" - "So'g'diyona" 1:1
2021 yil "So'g'diyona" - "Qizilqum" 2:1
2020 yil "Qizilqum" - "So'g'diyona" 1:1
2020 yil "So'g'diyona" - "Qizilqum" 1:1

Jizzaxda o'tgan oxirgi o'yindan highlights

HAKAMLAR

O'zbekiston futbol hakamlari markazi bo'lajak uchrashuvga bosh hakam etib G'ayrat Jo'raevni tayinlagan. VAR hakami sifatida esa Rustam Lutfllin ishlaydi.

Jo'raev Superligada 2021 yildan bosh hakam sifatida ishlab kelmoqda. Hozirgacha bu ikki jamoa ishtirokidagi o'yinlarda hech qachon bosh hakam bo'lmagan.

SO'G'DIYONA – QIZILQUM
22 aprel. Zomin. "Zomin" stadioni. 17:00
Hakamlar: G'ayrat Jo'raev, Dilshod Jumaniyozov, Islom Nosirov, Jaloliddin Husniddinov
VAR hakami: Rustam Lutfullin
AVAR: Aleksandr Sidorov
Nazoratchi: Igor Nechoxin
Komissar: Vladimir Nazarov

BU MAVSUMDAGI NATIJALAR
"So'g'diyona" ortda qolgan 6ta turda g'alaba qozona olmadi - 2ta durang va 4ta mag'lubiyat. Zominda o'tgan "Olimpik" va "Metallurg" bilan o'yinlarda bir xil 2:2 hisoblarida durang o'ynadi, "Neftchi"ga 0:2, "Bunyodkor"ga 0:1 hisobida yutqazdi.

Safarda esa "Navbahor"ga 0:3 va "Paxtakor"ga 1:2 hisoblarida imkoniyat boy berildi.

Asror Aliqulov boshchiligidagi "Qizilqum" esa 1ta g'alaba, 2ta durang va 3ta mag'lubiyat qayd etdi. Yagona g'alaba Navoiyda "Buxoro" ustidan qo'lga kiritildi - 1:0. O'z maydonida "Nasaf" (1:1) va "Surxon" (0:0) bilan durang o'ynadi. Safardagi uchala bahsda ham imkoniyat boy berildi - "Navbahor" (0:3), "Metallurg" (0:1) va "Paxtakor" (1:3).

YO'QOTISHLAR
Bo'lajak bahsda "Qizilqum" safida ikkita diskvalifikaciya qilingan futbolchi bor. Oybek Nurmatov va Temur Nabiev "So'g'diyona"ga qarshi o'yinni faqat tomoshabinlar orasida kuzatib borishadi.

MUALLIF TAXMINI
"So'g'diyona" bu mavsum faqat o'z maydonida ochko olmoqda, "Qizilqum" esa aksincha safarda umuman ochko olomayapti. SHu sababli ham bugun "So'g'diyona" kamida durang qayd etsa kerak.