Runi JCH-2006'da Ronaldu bilan bog'liq mojaroni esladi

Musobaqa doirasida o'tgan Portugaliyaga qarshi bahsdagi epizodlardan birida Krishtianu Ronaldu arbitrdan Runini chetlatishni so'ragandi.

“O'sha uchrashuvdan keyin tezda gaplashib olganmiz. Bu tribuna ostida edi. Unga nisbatan hech qanday husumatim yo'qligini aytdim, garchi uning harakatlari o'rinsiz bo'lsa-da. Gap shundaki, 1-taym davomida men uni jazolanishini xohladim. Nimaga? Yiqilavergani uchun. Ha, Krishtianu "sho'ng'ish"ni yaxshi ko'rardi”, deydi Runi.

Eslatib o'tamiz, chorak final bahsining asosiy va qo'shimcha bo'limlarida hisob ochilmagan. Runi 61-daqiqada maydondan chetlatilgan hamda o'yindan keyingi penaltilar seriyasida portugallar 3:1 hisobida zafar quchgan.