Rudi Garsiya Belgiya termasining muhim futbolchilarini qaytarmoqchi

"Tibo Kurtua - dunyoning eng yaxshi darvozaboni, Belgiya futboli tarixidagi eng zo'r futbolchilardan biri. Uni tarkibda ko'rishni istayman. Undan ham bu borada yaxshi gaplar chiqmoqda.

De Bryuyne va Lukaku? Madrid, Manchester va Neapolga borib, ular bilan gaplashaman. Bizni top-termaga aylantiradigan futbolchilar bilan gaplashib olish kerak.

Katta futbolchilar bilan ishlash doimo oson bo'lgan deb hisoblayman. Ular bilan doimo ochiq bo'lish kerak", - dedi Garsiya.

Eslatib o'tamiz, Garsiya Belgiya termasi bosh murabbiyiga aylandi. U Domeniko Tedeskoning o'rnini egalladi. Domeniko Tedesko bunga qadar Kurtua, Lukaku va de Bryuyne bilan munozaraga borgani uchun ularni termaga chaqirmayotgandi.