Ro'ziqul Berdiev: "O'yinchi ruhiy tomonlama tayyor bo'lishi kerak"

"Avvalo muxlislarimizni g'alaba bilan tabriklayman. Bugun ular stadionni xursand holda tark etdilar. Raqibimiz esa mamlakatimizning eng kuchli jamoalaridan biri edi. Futbolchilarimizning bugungi g'alabaga bo'lgan ishtiyoqlari katta yordam berdi. Bugungi g'alabamiz matbuot kotibimiz Aziz Nuriy uchun (kuladi)", - deydi Ro'ziqul Berdiev.

- Gol urguniga qadar "Nasaf" juda ko'p hujum qilayotgan edi, goldan so'ng orqaga yotib olgandek bo'ldi. Qarasa "Bunyodkor" tashabbusni qo'lga olyapti, keyin yana hujum qilishni boshlagan edi o'yin o'zgardi. Yigitlar tezkor goldan shoshib qoldilarmi?
- Bu psixologiyaga bog'liq. Hisobni ochib olganimizdan so'ng futbolchilar o'z-o'zidan himoyaga etiborni qarata boshladilar. Keyin qarshi hujum qila boshladilar. Ammo o'yinni o'zgartira oldik.

- Farrux Sayfiev ko'p xato qilayotgandek emasmi?
- Aksincha, siz uni to'p bilan emas, to'psiz ishlashini ko'ringlar. Odatda futbolchini to'p bilan qilgan muomulasiga qarab baho beriladi. Ammo u raqib futbolchilarini chalg'itish va raqibga imkoniyat bermaslik borasida foydasi katta. Ayni paytda uning jamoaga tegayotgan foydasi katta.

- Gadoev qachon safga qaytadi?
- Yana ikki oycha vaqt bor.

- Bugunga kelib ikki nafar futbolchi MTJdan chaqiruv oldi. Lekin bu bilan to'xtalib qolmasdan, o'yinchilarimizni yanada kattaroq saviyaga chiqarishimiz kerak. Bunga nima deysiz?
- Bu avvalo futbolchining o'ziga bog'liq. O'yinchi ruhiy tomonlama tayyor bo'lishi kerak. Men MTJga chaqirildim deb ishlashni tashlab qo'ymasligi kerak. Biz esa ularga to'g'ri yo'lni ko'rsatishimiz kerak.

Nodirxo'ja Yuldashev