Ro'ziqul Berdiev: "Ikkinchi bo'limda raqiblar tez charchab qoldi, bizda esa zaxiradan tushganlar o'yinni kuchaytirdi"

Ro'ziqul Berdiev: - Ikki xil taym bo'ldi. Biz faqatgina ikkinchi bo'limga kelib, o'z o'yinimizni ko'rsata oldik. Raqib jamoa to'p bilan yaxshi harakatlanishini yaxshi bilardik va shu sababli himoyaga katta etibor berdik. Ikkinchi bo'limda raqiblar tez charchab qoldi. Bizda esa zaxiradan maydonga tushgan futbolchilar o'yinni kuchaytira olishdi. G'alabadan xursandman, barcha muxlislarni ushbu muvaffaqiyat bilan tabriklayman.

Marko Stanoevich: - Biz o'z mentalitetimizni, sifatlarimizni ochib berishga qattiq harakat qildik. Tanaffusda bosh murabbiydan ko'rsatmalarni olganimizdan keyin ikkinchi bo'limda juda yaxshi o'yin ko'rsatdik. Yaxshi yakun, g'alaba.

- "Nasaf" ayni damda turnir jadvalida peshqadam bo'lib turibdi. Bir necha daqiqalardan keyin boshlanadigan o'yinda qanday hisob qayd etilishini xohlaysiz?

Ro'ziqul Berdiev: - O'yinlar endi boshlanmoqda. Hali hech nima hal bo'lgani yo'q. Jamoalar oldidan to'rt-beshtadan uchrashuv o'tkazishi kerak. Istalgan vaziyatda holat tubdan o'zgarib ketishi mumkin.