Ronaldu qanday ovqatlanadi: Krishtianu har kuni eydigan uchta mahsulotni aniqlashdi

Hech kimga sir emaski, Krishtianu Ronaldu to'g'ri ovqatlanadi. Balki, shu sababdan u hattoki 37 yoshida ham dunyodagi eng yaxshi jismoniy holatdagi o'yinchilardandir.

"Yuventus"ning yosh o'yinchisi Dauda Peeters Ronaldu har kuni eydigan ovqatlar haqida gapirdi.

Peetersdan AS uchun intervyu paytida portugaliyalik va uning dietasi haqida so'rashdi: "U har doim bir xil narsani eydi. Brokkoli, tovuq va guruch. Litrlab suv va albatta, koka-kolasiz.

Krishtianu har doim va hamma joyda g'olib bo'lishni istaydi. Bir kuni sportzalga bordim va albatta, u erda Krishtianu bor edi.

Hayron qolgandim. Krishtianuda futbolchi uchun ideal tana bor. Mening ham mushaklarim yomon bo'lmasa ham, o'shanda hali ko'p ish qilishim kerak deb o'yladim. Ammo, u buni bir necha yillardan buyon muntazam ravishda qilmoqda.

Ronalduning kuniga olti mahalgacha ovqatlanishi, shuningdek barcha gazlangan ichimliklardan, shuningdek alkogoldan saqlanishi malum.

"Yaxshi mashg'ulot yaxshi dieta bilan uyg'unlashishi kerak. Men katta miqdordagi to'liq donli uglevodlar, meva va sabzavotlardan iborat yuqori oqsilli dietaga amal qilaman va shirinliklardan saqlanaman.

"Tez-tez ovqatlaning. Agar siz muntazam ravishda mashq qilsangiz, yaxshi ishlash uchun o'z tanangizni yuqori darajadagi energiya bilan taminlab turish muhimdir.

Bazan har bir mashg'ulotni eng yuqori darajada bajarish uchun etarli energiyaga ega ekanligimga ishonch hosil qilish uchun kuniga olti martagacha kamroq narsa eyman", – degan Krishtianu intervyularidan birida.