Ronaldu: "Manchester Yunayted"ning natijalaridan mamnun emasman. O'z ustimizda yanada ko'proq ishlashimiz kerak"
01 jan 2022 20:23
Yangiliklar

Ronaldu: "Manchester Yunayted"ning natijalaridan mamnun emasman. O'z ustimizda yanada ko'proq ishlashimiz kerak"

Portugaliyalik futbolchi jamoaning natijalarini sarhisob qildi.

Krishtianu Ronaldu yangi 2022 yil arafasida jamoasining Angliya chempionatidagi ishtirokiga baho berib, bundan noroziligini bildirdi.

"Manchester Yunayted"ning natijalaridan mamnun emasman. Hammamiz norozimiz, bunga aminman. Biz hozirgidan ko'proq ishlab, yaxshiroq o'ynashimiz kerakligini bilamiz.
Yangi yil mavsumning burilish nuqtasi bo'lsin! 2022 yilni ajoyib kayfiyat va kuchli ruhiyatda kutib olaylik. Keling, qo'limizdan kelgan barchasini qilib, yulduzlar tomon intilaylik va bu klubni o'z joyiga qaytaraylik! Bizga qo'shiling, biz sizga ishonamiz! Yangi yilingiz bilan, tez orada ko'rishguncha", – deb yozdi Ronaldu Instagram'da.

"Manchester Yunayted" Angliya chempionatida 18 o'yindan so'ng 31 ochko bilan 6-pog'onada bormoqda.

Havola :

Manba : instagram.com/cristiano

Yangiliklarni Telegramda o'qing!

Reyting: +11