Rodolfo Arrubarena: “G'aniev yaxshi futbolchi, lekin...”

Bosh murabbiy Rodolfo Arrubarenaga futbolchi Majid Hassan hamrohlik qildi. 

“Bo'lajak o'yinga yaxshi tayyorgarlik ko'rdik. Raqib OCHLda qanday o'ynashni juda yaxshi biladi. Tarkibida O'zbekiston terma jamoasining ko'plab futbolchilari bor. O'tgan mavsum “Paxtakor” O'zbekistondagi barcha musobaqalarda g'olib bo'lganidan xabardormiz. “Al Vasl”da ishlaganimda “Nasaf”ga qarshi o'ynagandik, o'shanda “Nasaf” safida harakat qilgan bazi futbolchilar bugungi kunda “Paxtakor” ekanini ko'rdim. Ertaga chiroyli o'yin namoyish etib g'alaba qozonishga harakat qilamiz”, - deydi Rodolfo Arrubarena. 

“Biz juda ham kuchli jamoaga qarshi o'ynaymiz. Juda keskin bahs bo'lishini kutyapman. Barcha yigitlar uchrashuvga tayyor. O'yinda eng yaxshi jihatlarimizni namoyish etib, uch ochko olishni rejalashtiryapmiz”, - deydi Majid Hassan. 

- O'zbekistonda mavsum boshlanmagan, raqibni o'rganishda qiyinchiliklar bo'lmadimi?
- “Paxtakor” 3-4ta o'rtoqlik uchrashuvi o'tkazdi. Bundan xabardormiz. Bu jamoaning o'yin falsafasi keskin o'zgarib ketgan deb o'ylamayman. CHap qanotdan hujumga o'tishlari, o'ng qanotdan hujum tempini oshirishlari...Raqib haqda ko'p narsa bilsang ham o'yin davomida bu as qotmasligi mumkin. Ertaga stadionga ko'proq muxlislar kelishini kutyapman. SHuningdek, ob havo yaxshi bo'lishini istardim. 

- Siz “Al Vasl” ustozi bo'lganingizda “Nasaf”ga qarshi ikki marta o'yin o'tkazib ikkalasida yutqazgansiz. Siz boshqargan jamoalar OCHLda hech qanday natijalarga erisha olmagan.
- Ikkala o'yinda ham yosh futbolchilarni maydonga tushirganmiz. Sababi BAA chempionatida o'z maqsadlarimiz bor edi. Siz aytgan statistika to'g'ri, lekin bu o'yinga tasir qiladi deb o'ylamayman. Bu yil maydonga tushish, g'alaba qozonish va ochko olsak guruhdan chiqish. Har bir klub yangi mavsum va yangi musobaqa oldidan o'z oldiga shunday maqsad qo'ysa kerak. 

- Ahmad Halil oxirgi uchta o'yinda maydonga tushmadi. Unda jarohat bormi, Toshkentga kelganmi?
- Halilda jarohat yo'q va “Paxtakor” bilan o'yinga tayyor. U Toshkentga kelgan. 

- Aziz G'aniev haqidagi fikrlaringiz.
- G'aniev juda yaxshi o'yinchi, “Nasaf”dagi va O'zbekiston terma jamoasidagi o'yinlarini ko'rganman. Jamoaga yaqinda keldi va bizning falsafamizga qo'shilib ketishiga biroz vaqt kerak bo'ladi.

Eslatib o'tamiz, "Paxtakor" - "SHabab Al Ahli" uchrashuvi 10 fevral kuni soat 16:00da "Paxtakor" stadionida boshlanadi.