“Real”ga “shporlar” futbolchisi kerak

“Tottenxem” yarim himoyachisi Tangi Ndombele faoliyatini Ispaniyada davom ettirishi mumkin. Franciyalik futbolchining xizmatlariga “Barselona” qiziqayotgan edi. Endi esa kurashga Madridning “Real”i ham qo'shilgani aytilmoqda.

23 yoshli Ndombele 2019 yil iyulida 60 mln evro evaziga “Lion”dan Londonga ko'chib o'tgandi. U joriy mavsum “shporlar” safida 27 ta o'yinda qatnashib, 2 ta gol urdi va 4 ta golli uzatma berdi. Uning klub bilan amaldagi shartnomasi esa 2025 yil yoziga qadar tuzilgan.