"Real" Azarni to'rtinchi marta sotuvga qo'ydi

Manba xabariga ko'ra, "qirollik klubi" bosh murabbiyi Karlo Anchelotti ham, klub rahbarlari ham belgiyalik yarim himoyachidan hafsalasi pir bo'lgan. U qatorasiga to'rtinchi transferlar davrida sotiladigan futbolchilar ro'yxatiga kiritildi. 

Yaqin haftalarda Madrid klubi Azar uchun yana yangi klub izlaydi. U klubdagi yuqori maosh to'lanuvchi o'yinchilardan biri (soliqlardan keyin 15 mln evro) va jamoa o'yiniga tasiri pastligi tufayli klub u bilan xayrlashmoqchi. 

"Real" prezidenti Florentino Peres Eden Azarni hozirda sotib yuborish yoki hatto ijaraga berish imkonsiz ekanini yaxshi biladi.

Eden mavsum o'rtasida ketishni istamaydi, ayniqsa, oilasi tufayli. Uning ispan klubi bilan shartnomasi 2024 yil yozida nihoyasiga etadi. Agar "Real" undan jamoani tark etishni so'rasa, 2023 yilning yozida Madriddan ketishi mumkin.