“Real” 14 yil ichida ilk bor bir mavsumda 3 nafar murabbiy almashtirdi

2018 yil yozida “Real”ga Xulen Lopetegi olib kelindi. 2018 yil noyabrida esa Lopetegi o'rniga Santyago Solari bosh murabbiy bo'ldi. 2019 yil martida esa Zinedin Zidan Solari o'rniga bosh murabbiy etib tayinlandi.

Jamoada bunday holat 2004/05 yilgi mavsumdan beri ilk bor ro'y berdi. O'shanda jamoani Xose Antonio Kamacho, Mariano Garsiya Ramon va Vanderley Lushemburgular ketma-ketlikda boshqargan edi.

1990/91 yilgi mavsumda esa klub o'z rekordini o'rnatgandi. O'shanda jamoada bir mavsumning o'zida 4 nafar murabbiy — Jon Toshak, Alfredo Di Stefano, Ramon Grosso va Radomir Antich ishlagandi.